عێراق ئامادەیە غازی سروشتیی هەرێمی كوردستان بكڕێت و بەرپرسێكی حكومەتی عێراقیش وردەكارییەكەی ئاشكرادەكات.
ئەمرۆ سێشەممە، كەمال محەمەد ساڵح وەزیری كارەبای حكومەتی هەرێم لەگەڵ عادل كەریم، وەزیری كارەبای عێراق، كۆبووەوە و بابەتی ڕێكخستن و بەستنەوەی تۆڕی كارەبای عێراق و ھەرێمی كوردستان تەوەری سەرەكی كۆبوونەوەكە بووە.
دوای كۆبوونەوەكەش وەزیری كارەبای ھەرێمی كوردستان، و وەزیری كارەبای عێراق، كۆنگرەیەكی رۆژنامەوانیی ھاوبەشیان سازكرد.
دواتر لە كۆنگرەیەكی ڕۆژنامەوانیدا وەزیری كارەبای ھەرێمی كوردستان باسی لەوەشكرد لەئێستادا، ڕۆژانە 16 كاتژمێر كارەبای نیشتمانی بە ھاوڵاتییان دەدرێت و چوار وێستگەی دیكەی تایبەت بە بەرهەمهێنانی كارەبا دادەمەزرێنن.
هاوكات وەزیری كارەبای حكومەتی عێراق ڕایگەیاند، ئەگەر هەرێمی كوردستان غازی سروشتیی زیاتر بەرهەمبهێنێت حكومەتی عێراق ئامادەیە بیكڕێت.
