ئەنجومەنی نوێنەرانی عێراق وادەی دانیشتنەكەی لەبارەی هێرشەكەی توركیا لە سنووری زاخۆ دیاریكرد.
ڕۆژی شەممە ئەنجومەنی نوێنەرانی عێراق ڕۆژی شەممە كاتژمێر 11:00 ی پێشنیوەڕۆ دانیشتنی تایبەت بە بۆردومانەكەی توركیا لە سنووری زاخۆ بە ئامادەبوونی وەزیرانی دەرەوە و بەرگریی ئەنجام دەدات.
دانیشتنەكە دوای كۆكردنەوەی واژووی زیاتر لە 50 پەرلەمانتارە و بڕیارە، هەڵوێستی ئەنجومەنەكە لەبارەی دووبارەبوونەوەی هێرشەكانی توركیا بۆ سەر عێراق تاوتوێ بكرێت و هەڵوێستێكی هاوبەش ڕابگەیەندرێت.
دوێنێ توركیا بۆردومانی ناوچەیەكی گەشتیاری سنووری زاخۆی كرد و بەهۆیەوە نۆ گەشتیار كە سەرجەمیان عەرەب بوون و خەڵكی پارێزگاكانی باشوور و ناوەڕاستی عێراق بوون كوژران و 23 ی دیكەش برینداربوون و ئەوەش كاردانەوەی لێكەوەتەوە.
