وەزارەتی نەوتی عێراق بڕی نەوتی هەناردەكراو و داهاتەكەی بۆ مانگی كانوونی دووەمی ئەمساڵ بڵاودەكاتەوە كە داهاتەكەی زیاتر لە 8 ملیار دۆلار بووە.
بەپێی راگەیەندراوێكی وەزارەتی نەوتی عێراق كە داتاكان لە كۆمپانیای بەبازاڕكردنی نەوتی عێراق (سۆمۆ)وە وەرگیراوە و تێیدا هاتووە، لە مانگی رابردوودا بڕی نەوتی خاوی هەناردەكراو 103 ملیۆن و 508 هەزار و 438 بەرمیل بووە و داهاتەكەشی زیاتر لە هەشت ملیار و 25 ملیۆن و 616 هەزار دۆلار بووە.
هەر لە راگەیەندراوەكەدا هاتووە، تێكڕای نرخی هەر بەرمیلێك بە 77.536 دۆلار فرۆشراوە كە رۆژانە زیاتربووە لە سێ ملیۆن و 338 هەزار بەرمیل نەوت.
