ئەمڕۆ دووشەممە 2022/7/18، ڕۆژنامەنووس ئەیوب وەرتی، لەلایەن دادگای هەولێرەوە بڕیاری دەستگیركردنی بۆ دەرچووە.
دەستگیركردنەكە بەهۆی كارێكی ڕۆژنامەوانییەوە بووە بۆ ئەو كەناڵەی لەئێستادا ئەیوب وەرتی كاری تێدا دەكات.
ئەیوب وەرتی پێشتر لە تۆڕی میدیایی ئێستا كاریكردووە، بۆیە تۆڕەكە پشتگیریی تەواوی وەرتی دەكات و داوای دەستبەجێ ئازادكردنی دەكات.
نیگەرانیشە لەوەی دادگای هەولێر بەپێی یاسا و ڕێكارە باوەكانی كاری ڕۆژنامەوانی مامەڵەی لەگەڵ دۆسیەكەی ئەیوب وەرتی و چەندین ڕۆژنامەنووسی دیكەدا نەكردووە، تەنانەت ئەمڕۆ كەلەپچەیان لە دەستی ئەیوب وەرتی كردووە و وێنەكەشی بڵاوكراوەتەوە.
