بەڕێوەبەرایەتیی گشتیی تەندروستیی سلێمانی ئاماری ڕۆژانی جەژنی قوربانی بڵاوکردەوە، بەپێی ئامارەکە لە چوار ڕۆژی جەژندا هەشت هەزار و 449 کەس سەردانی نەخۆشخانە و سەنتەرەکانیان کردووە.
تەندروستیی سلێمانی لە ئامارەکەدا ئاماژەی بە ژمارەی داخڵبوون لە نەخۆشخانە، لەدایکبوون و مردن کردووە.
بەپێی ئامارەکە، لە ماوەی چوار ڕۆژی ڕابردوودا دوو هەزار و 60 کەس داخڵکراون، 96 حاڵەتی لەدایکبوون تۆمارکراون و 17 حاڵەتی گیانلەدەستدانیش هەبوون.
