حكومەتی هەرێمی كوردستان بڵاویكردووەتەوە، بەپێی داتاكانی وەزارەتی كارەبا ڕۆژانە 16 كاتژمێر و نیو كارەبای نیشتمانی بۆ هاوڵاتییان دابیندەكرێت.
فەرمانگەی میدیا و زانیاریی حكومەتی هەرێم بڵاویكردووەتەوە، حكومەت بەردەوامبووە لە جێبەجێكردنی پرۆژە خزمەتگوزارییەكان و لە ڕێگای وەزارەتی سامانە سروشتییەكانەوە بڕێكی زۆر گازوایل بۆ وێستگەكانی كارەبا دابیندەكات.
لە ڕاگەیەندراوەكەدا هاتووە، لە ماوەی سێ ساڵی ڕابردوودا 792 ملیۆن و 655 هەزار و 855 لیتر گازوایل بۆ وێستگەكانی كارەبا بە بەهای 469 ملیار دینار تەرخانكراوە.
