جێگری وەزیری پەروەردە بۆ کاروباری خوێندنگە ناوەندییەکان لە وەزارەتی پەروەردەی ئێران ئاشکرایکردووە، هیچ مامۆستایەکی پیاو مافی ئەوەی نییە لە خوێندنگە ناوەندییەکانی کچاندا وانە بڵێتەوە، بڕیارەکەش سەرجەم خوێندنگە حکومی و ناحکومییەکان دەگرێتەوە.
محەمەد مەهدی کازمی جێگری وەزیری پەروەردەی ئێران بۆ کاروباری خوێندنگە ناوەندییەکان ڕایگەیاند، بڕیارەکەی وەزارەتی پەروەردە لە 28ی مانگی ئایاردا دەرچووە، بڕیارەکە وانەوتنەوەی مامۆستایانی پیاو لە خوێندنگە ناوەندییەکانی کچاندا قەدەغە دەکات.
ئاماژەی بەوەشکردووە بڕیارەکە بۆ سەرجەم پارێزگاکانی کۆماری ئیسلامیی ئێران ڕەوانەکراوە و سەرجەم خوێندنگە ناوەندییە حکومی و ناحکومییەکانیش دەگرێتەوە.
