وەزارەتی تەندروستی هۆشداری دەدات و دەڵێت، عێراق چووەتە شەپۆلی پێنجەمی كۆرۆناوە و بڵاوبوونەوەی زۆر خێرایە.
ئەمڕۆ هەینی وەزارەتی تەندروستیی عێراق، ئامارێكی لەبارەی پەتای كۆرۆناوە بڵاوكردەوە و ڕایگەیاند، عێراق چووەتە شەپۆلی پێنجەمی پەتای كۆرۆناوە و بڵاوبوونەوەی بەراورد بە شەپۆلی چوارەمی پەتاكە زۆر خێرایە.
وەزارەتەكە دەڵێت، پێش دوو ڕۆژ ڕێژەی بڵاوبوونەوەی كۆرۆنا 6% بوو، دواتر بەرزبووەوە بۆ 9% و ئەمڕۆ ڕێژەكە گەیشتووەتە 14% لە كاتێكدا بەر لە سێ هەفتە تەنها 3% بوو.
وەزارەتی تەندروستی، ئاماری كوتان دژی كۆرۆنای ئاشكراكرد و وتی، 75%ی هاوڵاتییان ڤاكسینی دژەكۆرۆنایان وەرگرتووە و ئەوەش ڕێژەیەكی زۆر بەرزە، بەڵام ئەوانەی بەهۆی كۆرۆناوە لە نەخۆشخانە دەهێڵدرێنەوە، 65%یان ئەو كەسانەن كە ڤاكسینی دژەكۆرۆنایان وەرنەگرتووە.
