شازادەی جێنشینی كوەیت هەڵوەشاندنەوەی ئەنجومەنی نوێنەران ڕاگەیاند و داوایكرد هەڵبژاردنی گشتی ئەنجامبدرێت.
شێخ مەشعەل ئەحمەد سوباح شازادەی جێنشین لە وتارێكدا ڕایگەیاند، مەترسی لە سەرجەم لایەكانەوە ڕووی لە كوەیت كردووە، ئاماژەشی بە بارگرژیی نێوان هەردوو دەسەڵاتی جێبەجێكردن و یاسادانان كرد.
شازادە داوای لە هەمووان كرد لە ئەمیری وڵات كۆبنەوە، دووپاتیشیكردەوە، قۆناغی داهاتوو لە كوەیت دەخوازێت هاوڵاتیی لە هەڵبژاردنی نوێنەرانیان باشتربێت.
