دۆناڵد ترەمپی سەرۆکی ئەمریکا، ئیمیڵی مێرڤی، سەرۆکی خزمەتگوزارییە گشتییەکانی ڕاسپاردووە هەنگاوە پێویستەکانی گواستنەوەی دەسەڵات بۆ بایدن بکات، هاوکات لەگەڵ بەردەوامی ڕێکارە یاساییەکانی تایبەت بە ئەنجامی هەڵبژاردنەکان.
لە تویتێکدا دۆناڵد ترەمپ نوسیوییەتی، “گڵۆپی سەوزم بۆ ئێمیڵی مێرفی سەرۆکی خزمەتگوزارییە گشتییەکان هەڵکردووە تاوەکو هەنگاوەکانی گواستنەوەی دەسەڵات بۆ ئیدارەی جۆ بایدن لەگەڵ بەردەوامیی هەنگاوەکانی سکاڵا یاساییەکان”.
ترەمپ دەڵێت، “کارەکەمان بە هێز و سەرکەوتنەوە ئەنجامدا، من باوەڕم بەوەیە سەرکەوتنم بەدەستهێنا، بەڵام لەپێناو بەرژەوەندی وڵاتەکەمان، ئێمیلی و تیمەکەیم ڕاسپاردووە تاوەکو هەنگاوە سەرەتاییەکانی پەیوەست بە پرۆتۆکۆڵی گواستنەوەی دەسەڵات ئامادە بکەن”.
I want to thank Emily Murphy at GSA for her steadfast dedication and loyalty to our Country. She has been harassed, threatened, and abused – and I do not want to see this happen to her, her family, or employees of GSA. Our case STRONGLY continues, we will keep up the good…
— Donald J. Trump (@realDonaldTrump) November 23, 2020
لەلایەکی دیکەوە ئێمیڵی مێرفی لە نامەیەکدا کە ئاڕاستەی جۆ بایدنی کردووە، ڕایگەیاندووە کە بڕیارەکەی دۆناڵد ترمپ جێبەجێ دەکات و پەیوەست دەبێت بە هەنگاوەکانەوە، هەروەها دەشڵێت، “هیچ فشارێکیان لێنەکراوە لەلایەن دەسەڵاتی جێبەجێکردنەوە و ئەمە کاری ئەو کەسانەیە کە لە کۆشکی سپی کاردەکەن و ئەوان بڕیارەکە دوادەخەن یان خێرای دەکەن”.
Here’s the full letter from Murphy to Biden: pic.twitter.com/DJ4SFLzrfP
— Jeremy Herb (@jeremyherb) November 23, 2020
هەروەها تیمی سەرۆکی هەڵبژێردراوی ئەمریکا، جۆ بایدن پێشوازییان لە بڕیارەکەی ترەمپ کرد بۆ پرۆسەی گواستنەوەی دەسەڵات بەشێوەیەکی ئاشتییانە.
ئەمەش دوای ئەوە دێت کە لە ویلایەتی میشیگن ڕایگەیاند کە جۆ بایدن دەنگەکانی ویلایەتەکەی بردووەتەوە و سەرکەوتنی بەدەستهێناوە لەو ویلایەتە، لەدوای ئەوە هیچ ڕێگەیەک لەبەردەم فەرمانگەی خزمەتگوزارییە گشتییەکان نەمایەوە جگە لە دانپێدانانی سەرکەوتنی جۆ بایدن وەک سەرۆکی داهاتووی ئەمریکا.
