سەرپەشتیاری دیداری یەكێتی ڕایدەگەیەنێت، ڕاپۆرتی كۆتایی دیداری یەكێتیمان پێشكەشكرا و چاكسازی و نوێبوونەوەش پێویستی بە هەنگاو و كاركردنی بەردەوام هەیە و یەكێتی لەگەڵ جەماوەرەكەی ئاشتدەكەینەوە.
قوباد تاڵەبانی، سەرپەرشتیاری دیداری یەكێتی ڕایگەیاند، ماوەی شەش مانگە كادیران كاریان بۆ سەرخستنی دیداری یەكێتی كردووە و ئەمڕۆ سێشەممە ڕاپۆرتی كۆتایی دیداری یەكێتیمان پێشكەشكرا و كاردەكەین كە یەكێتی لەگەڵ جەماوەرەكەی ئاشتبكەینەوە و كارە قورسەكانمان لە ئێستاوە دەستپێدەكەن.
قوباد تاڵەبانی، ڕایگەیاند، هەڵەكانی ڕابردوو ڕاستدەكەینەوە و یەكێتی لەگەڵ جەماوەر ئاشتدەكەینەوە و لە ماوەی ڕابردوودا بینیمان كادیرانی یەكێتی تینووبوون لە داڕشتانەوەی ڕاپۆرتەكانی تایبەت بە دیداری یەكێتیدا.
