ڕاهێنەری هەڵبژاردەی ئیسپانیا، لویس ئێنریکی پێکهاتەی نوێی هەڵبژاردەی ئیسپانیای بۆ ڕووبەڕووبوونەوەکانی پۆرتوگال، چیک، و سویسرا ئاشکرا کرد.
بڕیارە لە داهاتوویەکی نزیکدا و لەچێوەی یارییەکانی خولی نەتەوەکانی ئەوروپا، هەڵبژاردەی ماتادۆرەکان چەند ڕووبەڕووبوونەوەیەک بەرامبەر پۆرتوگال و چیک و سویسرا ئەنجام بدات.
ئێنریکی لە لیستی یاریزاناندا هەریەکە لە بوسکێتس و تیاگۆ ئەلکانتارا و ئینیگۆ مارتینێز و ئانسو فاتی و مارکۆ ئاسێنسیۆی بانگهێشت کردووە، لە بەرامبەردا خوسێ گایا و داڤید دی خیا و و پێدری و جێرارد مۆرینۆ و ئۆیارزابالی لە پێکهاتەکەی دوورخستووەتەوە.
گۆڵپارێز: ئونای سیمۆن، ڕۆبێرت سانچێز، دەیڤید ڕایا.
هێڵی بەرگری: ئازپیلیکویتا، کارڤاخال، ئێریک گارسیا، پاو تۆرێس، ئایمیریک لاپۆرت، ئینیگۆ مارتینێز، جۆردی ئەلبا، مارکۆس ئەلۆنسۆ.
هێڵی ناوەڕاست: بوسکێتس، ڕۆدریگۆ، تیاگۆ، گاڤی، کارلۆس سۆلێر، کۆکی، مارکۆس یۆرێنتی.
هێرشبەران: مۆراتا، ڕائول دی تۆماس، ئۆلمۆ، سارابیا، فیران تۆرێس، ئانسو فاتی، ئاسێنسیۆ.
