ئەدهەم بارزانی، هەڵوێستی خۆی لەبارەی هێرشەكانی توركیا ئاشكرادەكات و ڕایدەگەیەنێت، “خاكی وڵاتمان لەلایەن توركیاوە داگیر دەكرێت، پێویستە هەڵوێستی نەتەوەییمان هەبێت”.
لە نووسینێكدا كە لە هەژماری تایبەتیی خۆی لە تۆڕی كۆمەڵایەتیی فەیسبووك بڵاویكردووەتەوە، ئەدهەم بارزانی نووسیویەتی، “پەرلەمانی بەڕێزی کوردستان، زۆر بە کورتی پێویستە لە دەرەوەی کێشە ناوخۆیی فراکسیۆنەکان، بیر لە داگیرکردنی خاکی وڵاتمان، باشوروی کوردستان بکرێت لە لایەن دەوڵەتی تورکیاوە”.
پێشیوایە، “ئەم بابەتە لە سەرووی هەموو شتەکانی ترەوەیە”، چونكە وەكو خۆی دەڵێت، “ئەو پرسە بوون و نە بوونمانە و کۆتایی هەموو شتێک و هەموومانە پێکەوە بەبێ جیاوازی، کۆببینەوە و هەڵوێستی نەتەوایەتیمان هەبێت”.
