یۆرگن كلۆپ، ڕاهێنەری لیڤەرپوڵ شانازی بە تیپەكەیەوە دەكات كە بە نۆ گۆڕانكارییەوە توانیویەتی سەركەوتن بەسەر ساوسامپتۆن بەدەستبهێنێت.
یانەی لیڤەرپوڵ لەدەرەوەی یاریگای خۆی بە دوو گۆڵ بەرامبەر بە گۆڵێك سەركەوتنی بەسەر ساوسامپتۆن بەدەستهێنا.
یۆرگن كلۆپی ڕاهێنەریش لە یارییەكەدا پشووی بە نۆ یاریزانی سەرەكی دابوو.
هەندێ لە یاریزانەكان پێكانیان هەیە و هەندێكیشیان بەهۆی هیلاكبونەوە لەسەر ڕێنمایی تیمی پزیشكی پشوویان وەرگرتووە.
كلۆپ باسی لەوە كرد كە ئەوان سەرەرای ئەوەی نۆ گۆڕانكارییان كردووە بەڵام لێكتێگەیشتنی تەواو لە نێوانیان دروستبووە و توانیویشیانە كۆنتڕۆڵی یاریگا بگرنە دەست.
