پۆلیس ڤیدیۆی ساتێكی سامناكی ئافرەتێكی بوراوە (لەهۆشخۆچوو)ی لەناو ئۆتۆمبێلە جوڵاوەكەیدا و لە شەقامێكی قەرەبالغ بڵاوكردەوە، بەر لە كارێكی ئازایانەی بەكۆمەڵی دانیشتووانی شاری فلۆریدا بۆ ڕزگاركردنی.
ڤیدیۆكە دیمەنی جوڵەی نامۆی ئۆتۆمبێلێك نیشاندەدات، پاش دووبارە جوڵەكردنەوەی لە ترافیكدا و گۆڕینی ئاراستەكەی بەرەو شەقامی بەرامبەر، لە شاری بۆنتۆن بیچ-ی ویلایەتی فلۆریدای ئەمریكا.
دواتر ڕوونكرایەوە كە خاوەن و شۆفێری ئۆتۆمبێلەكە تووشی جەڵدە بووە و بەهۆیەوە لەهۆشخۆی چووە، لە ئاكامیدا ئۆتۆمبێلەكەی لە چوارڕیانەكە كەوتووەتە جوڵە.
لەوكاتەدا ژنێكی دیكە تێبینی دۆخی تەندروستیی شۆفێرەكە دەكات و بەڕاكردن خۆی پێدەگەیەنێت و شۆفێر و ڕێبوارانی شەقامەكە لە دۆخەكە ئاگاداردەكاتەوە بۆ هاوكاریكردنی لە وەستاندنی ئۆتۆمبێلەكە، بەرلەوەی بەهەموویان ئۆتۆمبێلەكە لە شەقامی بەرامبەر ڕابگرن.
INCREDIBLE MOMENT: Boynton Beach police sent this video out in the hopes to honor the people who got out of the car to help the woman who had a medical episode while driving. https://t.co/5XDUhTg570 pic.twitter.com/2o6G9d6MJP
— WPBF 25 News (@WPBF25News) May 11, 2022
پاش ڕاگرتنەوەی ئۆتۆمبێلەكەش جامەكەیان شكاند و شۆفێرەكەیان لێدەرهێنا.
پۆلیس ڕایگەیاند، پەرستارێك لە شوێنەكە بووە، پەیوەندی بە تیمی فریاكەوتنەوە كردووە و چارەسەری پزیشكیی سەرەتایی پێداوە بەر لە گەیشتنی ئۆتۆمبێلی فریاكەوتن.
پۆلیس ڤیدیۆكەی بۆ ڕێزلێنان لەو كەسانە بڵاوكردەوە كە تیایدا دەردەكەون و بەهۆی هەوڵەكەیانەوە ڕێگری لە گەورەبوونی ڕووداوەكە دەكەن و شۆفێرەكەش ڕزگاردەكەن.
