لەناو بازاڕی هەولێر ڕووداوێكی شەڕ و تەقەكردن ڕوویدا و بەپێی وتەی شایەتحاڵان لەسەر ڕاگرتنی ئۆتۆمبێل بووە.
ڕووداوەكە لە نزیك بنكەی ئاگركوژێنەوەی ناو بازاڕ ڕوویداوە و هیچ بریندارێك نییە، وەك ئەوەی شایەتحاڵان بۆ تۆڕی میدیایی ئێستا-یان ڕوونكردەوە.
سەرکەوت کاڕەش وتەبێژی بەرگریی شارستانیی هەولێر بە تۆڕی میدیایی ئێستای ڕاگەیاند، تەقەكردنەكە بەهۆی ڕاگرتنی ئۆتۆمبێل بووە لە بەردەم بنکەی ئاگرکوژێنەوەی ناو بازاڕ.
“دوای ئەوەی کارمەندانی بنکەکە داوایان لە شۆفێرێک کردووە ئۆتۆمبێلەکەی لابدات و ئۆتۆمبێلی ئاگرکوژێنەوە دەردەچێت، لەو نێوەندەدا بەهۆی توڕەبوونەوە تەقە كراوە” سەركەوت كاڕەش وای وت.
ڕوونیشیكردەوە، هیچ بریندارێک نیە و سەرجەم کارمەندان سەلامەتن، شۆفێرەكەش دەستگیركراوە.
