میدیاکانی ئەمریکا بڵاویانکردەوە، بەهۆی دەستڕێژی گولەی کەسێک لەناو مۆڵێکی ناوچەی واوتۆسای سەربە ویلایەتی ویسکۆنسنی ئەمریکا چەند کەسێک برینداربوون.
دێنیس ماکبراید، بەرپرسی ناوچەی وارتۆسا ئاشکرایکرد، ژمارەیەک بریندار لە ڕووداوەکە کەوتووەتەوە بەڵام برینەکانیان سەخت نییە، هەروەها نوسینگەی (FBI) ڕایگەیاند کە لێکۆڵینەوە لە ڕوداوەکە دەکەن.
Law enforcement still arriving at Mayfair Mall to join what is already a very large police presence pic.twitter.com/WqHXGZunZN
— Brittany Lewis (@brittlewisnews) November 20, 2020
هەروەها شایەتحاڵێکی ڕوداوەکە کە لەناو مۆڵەکەدا بووە دەڵێت، “گوێمان لە ژمارەیەک تەقە بوو دواتر ئاگادارکراینەوە کە خۆمان بپارێزین و کاردانەوەمان نەبێت”.
میدیا ئەمریکییەکان لە زاری ئەفسەرێکی پۆلیسی ناوچەکەوە بڵاویانکردەوە کە لە ڕوداوەکەدا هەشت کەس برینداربوون و گواستراونەتەوە بۆ نەخۆشخانەی فرۆدێرت.
