کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان ئەمڕۆ خۆڵبارین دەستپێدەکات و سبەینێش بەردەوامدەبێت.
پێشبینییەکانی بەڕێوەبەرایەتیی کەشناسی و بومەلەرزەزانیی هەرێمی کوردستان دەریدەخات، ئەمڕۆ لە پارێزگاکانی هەرێمی کوردستان ئاسمان نیمچەهەور و هەوری تەواو دەبێت، لەگەڵ بوونی تۆز و خۆڵێکی سووک لە هەولێر، سلێمانی، دهۆک و کەرکوک.
بەپێی پیشبینییەکان خۆڵبارینی ئەمڕۆ و سبەینێ پارێزگای هەڵەبجە ناگرێتەوە.
سبەینێ، ئاسمان هەوری تەواو دەبێت لەگەڵ بەردەوامیی تۆز و خۆڵێکی سووک لەسەرجەم پارێزگاکانی هەرێمی کوردستان.
کەشناسی پێشبینیی بارینی نمەباران دەکات لە ناوچە شاخاوییەکانی پارێزگای دهۆک.
