بەڕێوەبەرایەتیی هاتوچۆی سلێمانی شۆفێران ئاگادار دەكاتەوە، كە بەهۆی خۆڵبارینەوە پێویستە خێراییەكانیان كەمبكەنەوە و ڕێگاكانی دەرەوەی شار بەكارنەهێنن.
بەڕێوەبەرایەتیی هاتوچۆی سلێمانی بڵاویكردووەتەوە، لەئێستادا شەپۆلێكی بەهێزی خۆڵبارین هەرێمی كوردستانی گرتووەتەوە و بووەتە هۆی كەمبوونەوەی مەودای بینین.
لە ڕاگەیەندراوەكەی هاتوچۆی سلێمانییدا هاتووە، پێویستە شۆفێران خێراییەكانیان كەمبكەنەوە و پابەندبن بە پاراستنی ماوەی سەلامەتی لە نێوان ئۆتۆمبێلەكانیان و ناوچە شاخاوییەكان و ڕێگاكانی دەرەوەی شار بەكارنەهێنن تا ئەو كاتەی شەپۆلی خۆڵبارینەكە كۆتاییدێت.
