ئەمڕۆ سێشەممە لە وڵاتی ئێران، لە یەکێک لە گۆڕەپانەکانی مەزارگەی ئیمام ڕەزای شاری مەشهەد، بە چەقۆ هێرشکراوەتە سەر 3 خوێندکاری زانستە ئاینییەکان و کوژراوێک هەیە.
سەرچاوەیەک ڕایگەیاند، پۆلیس و ئاسایشی مەزارگەکە ئەنجامدەری هێرشەکەیان دەستگیرکردووە و هێشتا لێکۆڵینەوە سەبارەت بە ناسنامە و ئامانجەکانی بەردەوامە.
ئاژانسی “ئێرنا” ڕایگەیاند، کەسە نەناسراوەکە “چەقۆی لە 3 خوێندکاری زانستە ئاینییەکان داوە، کە بۆ بەجێهێنانی چەند پرۆژەیەکی خێرخوازی لە ناوچە هەژارەکانی شاری مەشهەد بوون” و ڕوونیکردەوە، “بەو هۆیەوە یەکێک لە خوێنکارەکان گیانیلەدەستداوە و دوانەکەی تر لە نەخۆشخانە چارەسەر وەردەگرن”.
