ڕێكخراوی نەتەوە یەكگرتووەكان، دوایین ئاماری ئاوارە و پەنابەرانی ئۆكرانیای بڵاوكردەوە و دەڵێت، زیاتر لە چوار ملیۆن ئۆكرانی ئاوارەبوون.
فیلیپۆ گراندی كۆمسیاری باڵای ڕێكخراوی نەتەوە یەكگرتووەكان بۆ كاروباری پەنابەران ڕایگەیاند، لە ماوەی پێنج هەفتەی ئۆپەراسیۆنە سەربازییەكەی ڕوسیادا، ژمارەی ئاوارە و پەنابەرانی ئۆكرانیا گەیشتووەتە زیاتر لە چوار ملیۆن كەس.
گراندی لەڕێگەی تویتەرەوە ئاشكرایكرد كە گەیشتووەتە ئۆكرانیا و “لەگەڵ دەسەڵاتدارانی ئەو وڵاتە و نەتەوە یەكگرتووەكان و هاوبەشانی دیكەدا”، گفتوگۆدەكەن لەپێناو دۆزینەوەی ڕێگەیەك بۆ زیاتر پشتیوانیكردنی ئاوارەكان و كەسانی زیانلێكەوتوو.
پێشتر ڕێكخراوی نەتەوە یەكگرتووەكان ڕایگەیاندبوو، لە سەرەتای دەستپێکردنی هێرشەكانی ڕوسیا بۆسەر ئۆكرانیا زیاتر لە 902 كەسی سیڤیل کوژراون و هەزار و 459 كەسی دیکەش برینداربوون.
