ڕوسیا و ئۆكرانیا هەفتەی داهاتوو دانوستانەكانیان لە توركیا دەستپێدەكەنەوە.
سەرۆكایەتیی ئۆكرانیا و وەزارەتی دەرەوەی ڕوسیا بڵاویانكردەوە، گەیشتوونەتە ڕێككەوتن گەڕێكی دیكەی دانوستانەكانیان دەستپێبكەنەوە لە هەفتەی داهاتوودا.
هاوكات بە پێی هەواڵی میدیا ڕوسییەكان، دوێنێ شاندی دانوستانكاری هەردوو وڵات لە ڕێگەی كۆنفرانسی ڤیدیۆیی كۆبوونەتەوە و ڕێككەوتوونە كە كۆبوونەوەكەیان لە توركیا ئەنجام بدەن.
ئەوەش لە كاتێكدایە، ماوەی نزیكەی مانگێكە هێرشەكانی ڕوسیا بۆسەر ئۆكرانیا دەستیپێكردووە و تاوەكو ئێستاش شەڕ بەردەوامی هەیە و بەهۆیەوە زیاتر لە سێ ملیۆن هاوڵاتیی ئۆكرانی ئاوارەی وڵاتانی ئەوروپا بوون و نزیكەی هەزار هاوڵاتیش كوژراون.
