بافڵ جەلال تاڵەبانی لە شاری بەغداد لەگەڵ فراكسیۆنی یەكێتیی نیشتمانیی كوردستان كۆبووەوە.
لەكۆبوونەوەكەدا بافڵ جەلال تاڵەبانی تیشكی خستەسەر دوایین پێشهات و گۆڕانكارییە سیاسییەكان و پەرلەمانتارانی یەكێتی لەسەر دوایین هەوڵەكان بۆ تێپەڕاندنی دۆخی چەقبەستووی عێراق بەرچاو ڕوونكرد و دوایین هەڵوێستی یەكێتیی وەك هێزێكی بەرپرسیار و پارێزەری مافە نەتەوەییەكانی خەڵكی كوردستان ڕاگەیاند و وتی، “یەكێتی هیچ بڕیارێك لەدەرەوەی ئیرادە و بەرژەوەندی گەلەكەمان نادات”.
ئاماژەی بەوەكرد،” یەكێتی هیچ ئیرادەیەكی سەپێندراو قبوڵناكات بە پشتبەستن بە مێژووی سەربەرزی یەكێتی و گەلەكەمان هەموو هەنگاو و بڕیارێكمان لەپێناو یەكڕیزی و دەستەبەركردنی مافە ڕەواكانی میللەتەكەمانە”.
