سەرۆكی لیژنەی وزە و سەرچاوەسروشتییەكان لە پەرلەمانی كوردستان ڕایدەگەیەنێت، دوای به‌دواداچون بۆ داهاتی نه‌وت و ناوخۆ، پاره‌ی پێویست له به‌رده‌سته و پێویسته 25ی مانگ دابه‌شكردنی مووچه‌ی مانگی ئازار ده‌ستپێبكاته‌وه.
عه‌لی حه‌مه‌ساڵح، سەرۆكی لیژنەی وزە و سەرچاوە سروشتییەكان لە پەرلەمانی كوردستان له هه‌ژماری تایبه‌تی خۆی له تۆڕی كۆمه‌ڵایه‌تیی فه‌یسبوك نوسیویه‌تی، “دوای به‌دواداچونمان بۆ داهاتی نه‌وت و ناوخۆ، پاره‌ی پێویست له به‌رده‌سته‌و پێویسته 25ی مانگ دابه‌شكردنی مووچه ده‌ستپێبكاته‌وه”.
قسەكانی عەلی حەمەساڵح لەكاتێكدایە، ماوەی دوو ڕۆژە حكومەت كۆتایی بە دابەشكردنی مووچەی مانگی شوبات هێناوە، ئەویش دوای ئەوەی بۆ دابه‌شكردنی مووچه‌ی ئەو مانگە حكومەت پشتی به داهاتی نه‌وتی مانگی سێ به‌ستبوو.
