ڕاوێژكاری سەرۆك وەزیرانی عێراق بۆ كاروباری دارایی ڕایگەیاند، “لە ساڵانی ڕابردوو تەواوی بودجەی وڵات تەنها بۆ مووچەی فەرمانبەران تەرخانكرابوو، ئێستا ئابوریی عێراق بوژاوەتەوە و پێویستە كارنامەی چاكسازیی هەمواربكرێتەوە و كاری پێبكرێت”.
موهز محەمەد ساڵح، ڕاوێژكاری سەرۆك وەزیرانی عێراق بۆ كاروباری دارایی ڕایگەیاند پێشتر بودجەی ساڵانەی عێراق تەنها بۆ بواری بەكاربەر “مووچە”بووە و نەتوانراوە خزمەتگوزاریی ئاو، كارەبا و پرۆژەكان جێبەجێبكرێن.
ئاماژەی بەوەكرد، “ئەو سیاسەتە داراییەی ئێستا پەیڕەودەكرێت سەركەوتوو بووە و ئابوریی عێراق بوژاوەتەوە و پێویستە ئەو كارنامە چاكسازییەی ئامادەكرابوو هەمواربكرێتەوە و كاری لەسەر بكرێت”.
