شاندێكی ئەنجومەنی نوێنەران سەردانی هەولێر دەكات، پەیوەندیی بە هێرشە مووشەكییەكەی ئێرانەوە هەیە.
میدیا عێراقییەكان بڵاویانكردەوە، بڕیارە ئەمڕۆ شاندێكی ئەنجومەنی نوێنەرانی عێراق سەردانی هەولێر دەكات و ئەو شوێنانە بەسەردەكاتەوە كە كرابوونە ئامانجی هێرشە مووشەكییەكەی ئێران.
لە شاندەكەدا تەنها ناوی حاكم زاملی، جێگری یەكەمی سەرۆكی ئەنجومەنی نوێنەران و هەروەها شاخەوان عەبدوڵڵا جێگری دووەمی سەرۆك ئاماژەیان پێدراوە، كە یەكەمیان سەر بە ڕەوتی سەدرە و دووەمیشیان سەر بە پارتییە، دیارنییە كەسی دیكە ئەندامێتی شاندەكە دەكەن، یان نا.
پێشتر مەسعود بارزانی، سەرۆكی پارتی و موقتەدا سەدر، ڕێبەری ڕەوتی سەدر ڕێككەوتبوون لەسەر ئەوەی لیژنەیەك بۆ لێكۆڵینەوە لە هێرشە مووشەكییەكەی ئێران و قسەكردن لەسەر بوون و بەئامانجگرتنی ئیسرائیل پێكبهێنن.
