کەشناسیی هەرێمی کوردستان ئاشکرایکرد، ئەمڕۆ ئاسمان لەزۆربەی ناوچەکان نیمچەهەور دەبێت، دواتر لە درەنگانی شەودا دەگۆڕێت بۆ هەوری تەواو و بارانبارین.
بەپێی ڕاگەیەندراوی بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، لە شەوەوە بارانبارین دەستپێدەکات بەشێوەی مامناوەند سبەینێش بەردەوام دەبێت و لە پاشنیوەڕۆی سبەینێوە بارانبارین کۆتاییدێت.
کەشناسی ڕایگەیاندووە، بارانبارن پارێزگاکانی هەولێر، سلێمانی، هەڵەبجە و کەرکوک دەگرێتەوە، بەڵام لە دهۆک باران نابارێت.
