بەڕێوەبەرایەتیی پۆلیسی گەرمیان بڵاویكردەوە، هاوڵاتییەكی تەمەن 20 ساڵ بەچەكی تاپڕ كوژراوە و براكەشی دەستگیركرا.
موقەدەم عەلی جەمال قەدوری، بەرپرسی ڕاگەیاندنی پۆلیسی گەرمیان بڵاویكردەوە، هاوڵاتییەكی تەمەن 20 ساڵ كە دانیشتووی ناسیاو سەر بە ناحیەی كوڵەجۆیە و بەڕەگەز عەرەبە لە شوێنی كارەكەی كە پیشەی بەخێوكردنی حەوزی ماسی بووە بە فیشەكی تاپڕ كوژراوە.
لە ڕاگەیەنراوەكە هاتووە، دوای توێكاری بۆ تەرمەكەی بە بڕیاری پزیشكی دادوەر و بە ماددەی 406 لە یاسای سزادان براكەی كە تەمەنی 18 ساڵە دەستگیركراوە و پەڕاوەی لێكۆڵینەوەی بۆ كراوەتەوە.
