جێگری سەرۆکی حکومەتی هەرێمی کوردستان ئەمڕۆ یەکشەممە سەردانی شارەوانی سلێمانی کرد، جەختی لە چارەسەرکردن و بنەبڕکردنی زیادەڕەوی کردەوە و داوایکرد خزمەتی زیاتری سلێمانی بکرێت.
سەردانەکەی قوباد تاڵەبانی بەبۆنەی دەستبەکاربوونی لەیلا عومەر وەک سەرۆکی شارەوانیی سلێمانی بووە، ئاماژەی بە متمانەیان بە تواناکانی و سەرکەوتوویی لە ئەزموونەکانی پێشوویدا کرد.
لە ڕاگەیەندراوێکی نوسینگەی جێگری سەرۆکی حکومەتدا هاتووە، قوباد تاڵەبانی پاڵپشتیی بۆ سەرۆکی نوێی شارەوانیی سلێمانی خستەڕوو و داوای لێکرد خزمەتی زیاتری هاوڵاتییانی سلێمانی بکات.
قوباد تاڵەبانی وتی، “ھە‌وڵی جددی ھە‌یە بۆ چارە‌سە‌ركردن و بنبڕكردنی زیادەڕەوی لەسەر موڵكی گشتی، ئە‌ركی حكومە‌تیشە ھۆكارە‌كان دیاری بكات و چارە‌سە‌ریان بكات”.
جە‌ختیشیكردە‌وە كە ئەرکی حكومە‌تە خزمەتی ھاوڵاتییان بكات و ئاساییش و ئارامی بپارێزێت.
لەلایەکی دیکەوە لەیلا عومەر سەرۆکی شارەوانیی سلێمانی ڕایگەیاند، “بە‌ڵێنمانداوە كە خزمەتی ھاوڵاتییان بكە‌ین بەبێ جیاوازی و دە‌رگای شارە‌وانیش واڵایە بۆ ھە‌مووان”.
