سەرجەم یاریزانەكانی ڕیاڵ مەدرید بۆ یارییەكەی پاریس سانجێرمان ئامادەن و هیچ یاریزانێك بەهۆی پێكانەوە دوورنەكەوتووەتەوە.
یارییەكەی ڕیاڵ مەدرید و پاریس سانجێرمان سێشەممە كاتژمێر 11ی شەو لە یاریگای باخچەی شازادەكان بەڕێوەدەچێت.
یەكەمجارە لەم وەرزەدا سەرجەم یاریزانەكانی ڕیاڵ مەدرید بۆ یاریكردن ئامادەببن و كەس بەهۆكاری پێكان و كۆرۆنا و نەخۆشییەوە دوورنەكەوتووەتەوە.
مێندی و بنزیمە و ماریانۆ ئەو سێ یاریزانە بوون كە مەترسیی یارینەكردنیان لەسەربوو لە ڕووبەڕووبوونەوەی پاریسدا.
بەڵام هەرسێكیان بەشداریی دوایین ڕاهێنانەكانی ڕیاڵ مەدریدیان كردووە و هیچ كێشەیەكیان نەبووە، بەوەش ئەنچیلۆتی بۆ یارییەكەی پاریس بانگهێشتیكردوون.
