دەزگای دژەتیرۆری کوردستان بڵاویکردەوە، فڕۆکە بێفڕۆکەوانەکانی تورکیا دوو ئۆتۆمبێلی گەریلاکانی پەکەکە و چەند بارەگایەکیان لە شەنگال بۆردومانکردووە و ژمارەیەک گەریلا شەهیدبوون کە یەکێکیان بەرپرسێکی سەربازییە.
لە ڕاگەیەندراوێکدا کە دژە تیرۆری کوردستان بڵاویکردووەتەوە ڕایگەیاند، کەمێک پێش ئێستا فڕۆکەی بێفڕۆکەوانی سوپای تورکیا دوو ئۆتۆمبێلی گەریلاکانی پەکەکە و سێ بارەگا و بنکەیان لە چیای شەنگال لە ڕۆژئاوای شنگال کردەئامانج.
ئاماژەی بەوەش کردووە، بەپێی زانیارییەکانی دژەتیرۆر لە ئەنجامی بۆردومانەکە ژمارەیەک گەریلای پەکەکە شەهید و برینداربوون، لەناو شەهیدەکاندا بەرپرسێکی سەربازیی پەکەکە بەناوی (عەلی شێر) هەیە.
