وەزارەتی کارەبای عێراق دان بەوەدا دەنێت، لەئێستادا هیچ جێگرەوەیەکیان بۆ غازی ئێرانی نییە و هەوڵدەدەن لەڕێگەی دیکەوە پاڵپشتی بۆ بەرهەمهێنانی وزە بەدەستبهێنن.
عادل كەریم، وەزیری کارەبای عێراق لە كۆنگرەیەكی ڕۆژنامەوانیدا ڕایگەیاند، هیچ شوێنگرەوەیەکیان نییە بۆ غازی ئێران تاوەکو پاڵپشتیی بەرهەمهێنانی وزەی پێبکەن، لەگەڵ ئەوەشدا بەهاوبەشیی وەزارەتی وزە، هەوڵدەدەن پاڵپشتیی دیکە بۆ سەرچاوەکانی وزە دەستبخەن، لەگەڵ ئەوەی هەوڵی کەمکردنەوەی ئەو سەرچاوانە دەدەن کە هۆکارن بۆ دەردانی گازە ژەهراوییەکان.
بەوتەی وەزیرە عێراقییەكە، هەوڵەکانیان بۆ پەرەپێدانی سەرچاوەکانی غازی ناوخۆ بەردەوامە بەمەبەستی کەمکردنەوەی پشتبەستن بە غازی ئێرانی.
ڕاشیگەیاند، پلانی حکومەت بۆ بەکارهێنانی سەرچاوەی هەمەجۆری وزە بەردەوامی هەیە، گەڕان و بەدواداچوونی لایەنە پەیوەندیدارەکان بۆ ئەو مەبەستە هێشتا بەردەوامە.
