بڕیارە سبەی شەممە یانەی مانچستەر یونایتد لەدەرەوەی یاریگای خۆی ڕووبەڕووی یانەی ئەستۆن ڤێلا ببێتەوە.
یارییەكە كاتژمێر 8:30 خولەك لە یاریگای ڤێلاپارك بەڕێوەدەچێت.
پێش یارییەكە ڕاڵف ڕانیك، ڕاهێنەری مانچستەر یونایتد بەم جۆرە باسی دۆخی تیپەكەی كرد.
– قسەم لەگەڵ ڤاندی بیك كرد ئامۆژگاریم كرد كە تا كۆتایی وەرز بمێنێتەوە، بەڵام بەهۆی بونی مۆندیالەوە، یاریزانەكە دەیەوێت خولەكی زیاتر یاریی بكات.
– گفتوگۆمان لەگەڵ هندرسۆنی گۆڵپارێز كردووە و پێم وتوە كە پێویستمان پێی دەبێت، بە دڵنیاییەوە من دەمەوێت یەكێك بێت لە سێ گۆڵپارێزەكەی مانچستەر یونایتد
– ئەگەر بمانەوێت كۆنتڕۆڵی یارییەكە لای ئێمە بێت، پێویستە دوو شت بكەین، كاتێك تۆپمان لادەبێت چالاك بین، كاتێكیش تۆپمان لا نییە، بەزوترین كات بیگەڕێنینەوە.
– لە زۆڕ ڕووەوە باش بووین، بەڵام بەو خێراییە باش نەبوین كە دەمویست
– ئەوەی زۆر گرنگە لە ئێستادا ئەوەیە زۆرترین خاڵ بەدەست بهێنین لە یارییەكانی داهاتوودا
– سەرەتا ئامانجی سەرەكیمان بەدەستهێنانی خاڵ بوو، ئێستا دەبێت هاوسەنگی دروستبكەم ئینجا خاڵیش كۆبكەینەوە، دەبێت وا بكەین گۆڵ بكەین و گۆڵیشمان كەم لێ بكرێت.
– پێشبینی دەكەم ڕۆناڵدۆ و ماگوایەر و سانچۆ و جۆنز بۆ یارییەكەی ئەستۆن ڤێلا ئامادەبن.
