بەڕێوەبەرانی یانەی بەرشلۆنە بڕیاریانداوە لە ئەگەری نوێنەکردنەوەی بۆندی عوسمان دێمبیلی، ڕاستەوخۆ هەولەکانیان بۆ گواستنەوەی ئاداما تراوری دەستپێبکەن.
بەپێی زانیارییەکانی ڕۆژنامەنووس، لویس میگێلسانز لەڕۆژنامەی سپۆرتی ئیسپانی، تاوەکو ئێستا داهاتووی عوسمان دێمبیلی ناڕوونە، بەڕێوەبەرانی یانەی بەرشلۆنە بڕیاریانداوە لە ئەگەری قایلنەبوونی یاریزانەکە، یاخود نوێنەکردنەوەی بۆندەکەیدا، ڕاستەوخۆ هەوڵەکانیان بەئاڕاستەی ئاداما تراوری یاریزانی یانەی وڵڤەرهامپتن دەستپێبکەن.
بەپێی سەرچاوەکە، دەستنیشانکردنی تراوری دوای خوێندنەوەی تواناکانی و شێوازی یاریکردنی بووە، بەوپێیەی لە فێرگەی لاماسییاوە دەستیپێکردووە و دەزانێت بیرکردنەوەی یانە کەتەلۆنییەکە چۆنە.
تراوری لەم وەرزەدا 20 یاریی لە خولی نایابی ئینگلتەرا کردووە، سەرکەوتوونەبووە لە تۆمارکردنی گۆڵ و نیوەی ئەو یارییانەش بەشێوەی سەرەکی بەشداربووە، سەرەڕای ئەوەش لەلایەن چەندین یانەی ئینگلتەراوە داواکراوە و لە تۆڕی ترانسفێر مارکت نرخەکەی بە 28 ملیۆن یورۆ خەمڵێنراوە.
