وه‌زاره‌تى دارایی و ئابوریی هه‌رێم خشته‌ى دابه‌شكردنى مووچه‌ى سه‌رجه‌م وه‌زاره‌ت و ئه‌و شوێنانەی ڕاگه‌یاند كه تاوه‌كو ئێستا مووچه‌ی مانگی تشرینی دووەمیان پێنه‌دراوه.
به‌پێی خشته‌كه‌ى وه‌زاره‌تى دارایی، سبه‌ینێ یه‌كشه‌ممه مووچه‌ى وەزارەتی شارەوانی و گەشتوگوزار و وەزارەتی کارەبا خەرج دەکرێت.
ڕۆژی دووشەممە، مووچەی سەرۆکایەتیی هەرێم، سەرۆکایەتی ئەنجومەنی وەزیران، سەرۆکایەتیی پەرلەمان و خانەنشینیی پێشمەرگە خەرجدەکرێت.
كۆتا توێژیش كە وه‌زاره‌تى دارایی مووچەكەیان دابەشدەكات، خانەنشینیی شارستانییە، ڕۆژی سێشەممە مووچەكانیان وەردەگرن و کۆتایی بە دابەشکردنی مووچەی مانگی تشرینى دووه‌م دێت.
دابەشكردنی مووچەی مانگی تشرینی دووەم لە 25ی مانگی ڕابردووەوە دەستیپێكردووە و نزیكەی یەك مانگی پێچوو.
