ئاسایشی سلێمانی دەستگیركردنی سێ تۆمەتبار ڕادەگەیەنێت و دەڵێت، سەرەڕای ئەوەی تەقەی هەڕەمەكییان كردووە، دانیانناوە بە چەند تاوانێكی دیكەی دزیكردندا.
بەڕێوەبەرایەتیی ئاسایشی ڕۆژئاوای سلێمانی ڕاگەیاند، هێزەكانیان سێ کەسیان بەناوەکانی (س.ھ.ڕ.) و (ٲ.ٲ.ج.) و (ح.ل.ج.) لە ناحیەی تەکیەی کاکەمەند دەستگیرکرد كە تەقەی هەڕەمەکیان كردووە بوونەتەهۆی تێکدانی ئارامی و ئاسایشی هاوڵاتییان، لەکاتی لێکۆڵینەوەشدا ئاماژەیان بەوەداوە كە تاوانی تریشیان ئەنجامداوە وەک دزیکرن و بڕینی دوکان و ماڵی هاوڵاتییان.
لەلایەن هێزەكانی ئاسایشەوە دەستیشگیراوە بەسەر “سەرجەم ئەو کەرەستە و ئامێرانەی لە ئەنجامدانی تاوانەکانیاندا بەکاریان هێناوە”، وەك ئەوەی ئاسایش ئاماژەی پێداوە.
ئاشكراشیكردووە، لەئێستادا بە فەرمانی دادوەری دادگای لێکۆڵینەوە بەپێی مادەی (21)ی چەک ڕاگیراون.
