کەشناسیی هەرێمی کوردستان رێژەی بارانبارینی لە شەو و رۆژی رابردوودا بڵاوکردەوە و رایگەیاند، لە ناوچەی هیران زۆرترین ڕێژەی باران باریوە کە 107 ملیمەترە، بەپێی پێشبینییەکانیش بارانبارین بەردەوامدەبێت.
بەپێی ئەو ڕێژەی بارانبارینەی کەشناسی بڵاویکردووەتەوە، لە هیران 107 ملیمەتر باران باریوە کە زۆرترین رێژەی بارانبارینی تۆمارکراوە لە 24 کاتژمێری رابردوودا، لە کفریش کەمترین باران باریوە کە 24.2 ملیمەترە.
بەپێی پێشبینییەکانی کەشوهەوا بۆ 48 کاتژمێری داهاتوو، ئەمڕۆ شەممە ئاسمان هەوری تەواو دەبێت لەگەڵ بارینی باران بە شێوەی پچڕ پچڕ هەندێکجار بە لێزمە دەبێت بە تایبەتی لە ناوچە شاخاویەکان.
پلەکانی گەرماش 1 بۆ 3 پلە بەراورد بە رۆژانی پێشوو بەرزدەبنەوە.
سبەینێ یەکشەممە ئاسمان نیمچەهەور دەبێت لە زۆربەی ناوچەکاندا، لە ناوچە شاخاویەکان ئەگەری دروسبوونی تەمێکی سوک هەیە لە کاتەکانی بەیانی زوودا.
