دهستهی ڕاگهیاندن و پهیوهندییەکانى عێراق بەنیازە بڕیارێک بۆ قهدهغهكردنی “تیك تۆك” له عێراق بدات.
سهرچاوهیهك له دهستهی ڕاگهیاندن و پهیوهندییەکانى عێراق بۆ میدیاكان ئاشكرایكردووه، “ئهنجومهنی كۆمسیارانی دهستهكهیان كۆبوونهوهیهكیان لهبارهى پرسی داخستنى تۆڕی كۆمهڵایهتیی تیك تۆك ئەنجامداوە”.
جهختى لهوهكردووهتهوه، بههۆی ئهوهى ئهو تۆڕه كۆمهڵایهتییه زیان به ڕەوشت و بهها كۆمهڵایهتییهكان دهگهیهنێت، دهستهكه نیازی ئهوهى ههیه له ماوهكانی داهاتوودا ئهپڵیكهیشنی تیك تۆك له عێراق قهدهغه بكات.
تیک تۆک، تۆڕێكى کۆمەڵایەتییه، له ساڵی 2012وه دامهزراوه، بهڵام ماوهى چوار ساڵه بهفراوانى لهجیهاندا بڵاوبووهتهوه و لهلایهن دوو كۆمپانیای چینى خاوهندارێتى دهكرێت، له ئێستاشدا زیاتر له یهك ملیار بەکارھێنەرى هەیه
