وه‌زاره‌تى دارایی و ئابوریی هه‌رێمی كوردستان به‌رده‌وامى به دابه‌شكردنى مووچه‌ى مانگى تشرینى دووه‌مى فه‌رمانبه‌ران ده‌دات و دوو ڕۆژى داهاتوو مووچه‌ى ته‌نها ئه‌نجومه‌نێك دابه‌شده‌كات.
سه‌رچاوه‌یه‌كى ئاگادار له وه‌زاره‌تى دارایی و ئابوریی هه‌رێم به تۆڕی میدیایی ئێستاى ڕاگه‌یاند، “سبه‌ینێ دووشه‌ممه مووچه‌ى ئه‌نجومه‌نى ئاسایش دابه‌شده‌كرێت”.
وتیشی،”ڕۆژى سێشه‌ممه ده‌زگاى ئاسایش مووچه‌ى مانگى تشرینی دووه‌میان پێده‌درێت”.
ئه‌و سه‌رچاوه‌یه له‌باره‌ى هۆكارى سستى دابه‌شكردنى مووچه، دووبارە “هۆكاره‌كه‌ى بۆ نه‌ناردنى 200 ملیار دیناره‌كه‌ى به‌غداد” گەڕاندەوە.
