پێپ گواردیۆلا یەكەم ڕاهێنەرە بتوانێت بە 204 یاری بگاتە بردنەوەی ژمارە 150 لە خولی ئینگلتەرا.
لە هەفتەی 14ی خولی ئینگلتەرا، مانچستەر سیتی لە دەرەوەی یاریگای خۆی بە دوو گۆڵ بەرامبەر بە گۆڵێك لە ئەستۆن ڤێلا-ی بردەوە و یەكەم شكستی تووشی ستیڤن جیرارد-ی ڕاهێنەری نوێ كرد.
گواردیۆلا پێیوایە تیپەكەی ئاستێكی بەرزیان پێشكەشكردووە و توانیویانە بە باشی كۆنترۆڵی ناو یاریگا بكەن.
ئاماژەشی بە پێكانی ژمارەیەك لە یاریزانەكانی دا و هیوایخواست بە زووترین كات بگەڕێنەوە.
گواردیۆلا بەرامبەر ئەستۆن ڤیلا بردنەوەی ژمارە 150ی بەدەستهێنا، پاش ئەنجامدانی 204 یاری لەخولی ئینگلتەرا، ئەوەش ژمارەیەكی پێوانەیی نوێیە و پێشتر بەناوی سێر ئەلێكس فێرگسۆنەوە بوو، كە بە 247 یاری 150 بردنەوەی تۆماركردووە.
