وەزارەتی دەرەوەی عێراق ئەمڕۆ هەینی ڕایگەیاند کە کارەکانی کونسوڵخانەی بیلاڕوسیای لەبەغداد و گەشتی ڕاستەوخۆی لە عێراقەوە بۆ ئەو وڵاتە ڕاگرت.
ئەحمەد سەحاف وتەبێژی وەزارەتی دەرەوەی عێراق ڕایگەیاند، بەشێوەیەکی کاتی کارەکانی کونسوڵخانەی بیلاڕوسیا لە بەغداد ڕاگیراوە، ئەو هەنگاوەش بەمەبەستی پاراستنی هاوڵاتییانی عێراقییە لە باندەکانی بەقاجاخبردنی هاوڵاتییان لەڕێگەی بیلاڕوسیا و پۆڵەنداوە.
وتیشی، باڵیۆزخانەکانی عێراق لە مۆسکۆ و وارشۆ لە هەوڵێکی هاوبەشدان بۆ گەڕاندنەوەی ئەو هاوڵاتییە عێراقییانەی لە سنوورەکانی بیلاڕوسیا گیریانخواردووە، هەروەها عێراق سەرجەم گەشتە ڕاستەوخۆکانی وڵاتەکەی بۆ بیلاڕوسیا ڕاگرتووە.
