سێ كەشتیوانی ئاسمانیی ئەمریكی و یەكێكی ئەڵمانی، كە تیمێكی ناسا پێكدەهێنن، دوای دواخستنی گەشتەكەیان بۆ بۆشایی ئاسمان، دواجار شەوی ڕابردوو گەشتی بۆشایی ئاسمانیان كرد و چوونە وێستگەی ئاسمانیی نێوەدوڵەتییەوە.
بەپێی هەواڵی ئاژانسی ناسا، ئەو كەشتیوانانە دوای دەرچوونیان بۆ بۆشایی ئاسمان، كە ئەندامەكانی تیمەكە ئەمریكی و ئەڵمانین، بۆ ماوەی شەش مانگ لەناو وێستگەی ئاسمانیی نێودەوڵەتی دەمێننەوە.
كەشتیوانەكان لە ڕێگەی مووشەكی “دراگۆن 9″ی بەرهەمهێنراوی كۆمپانیای “سپەیس ئێكس” گەشتەكەیان ئەنجامدا.
ناسا ڕوونیشیكردووەتەوە، تیمەكە پێشتر بەهۆی كەشوهەوا و تێكچوونی تەندروستیی یەكێك لە ئەندامەكانی، گەشتەكەیان بۆ بۆشایی ئاسمان دواخستبوو.
ئەو تیمەی ناسا ناوی “كرو 3″یە و پێشتر تیمی “كرو 2″ لە ڕۆژی دووشەممەدا گەڕابوونەوە سەر زەوی، “كرو 3″ شوێنی تیمە گەڕاوەكە دەگرێتەوە.
وێستگەی ئاسمانیی نێودەوڵەتی لە خولگەی زەویدا جێگیركراوە و بەردەوام ناسا تیمەكانی وێستگەكە ئاڵوگۆڕ پێدەكات.
