قوباد تاڵەبانی جێگری سەرۆك وەزیرانی هەرێمی كوردستان، لایە‌نە پە‌یوە‌ندیدارە‌كانی سلێمانی-ی ڕاسپارد ئە‌ولە‌ویە‌ت بدە‌ن بە پڕۆژەی نیشتە‌جێبوونی تایبەت بە چینی کەمدەرامەت.
قوباد تاڵەبانی، جێگری سەرۆك وەزیرانی هەرێمی كوردستان لە تویتێكدا كە لە هەژماری خۆی لە تۆڕی كۆمەڵایەتیی تویتەر بڵاویكردووەتەوە، نووسیویەتی، “لایە‌نە پە‌یوە‌ندیدارە‌كانی سلێمانیم ڕاسپارد، لە پێدانی مۆڵە‌ت بۆ پڕۆژەی نیشتە‌جێبوون ئە‌ولە‌ویە‌ت بدە‌ن بە پڕۆژەی تایبەت بە چینی کەمدەرامەت”.
باسی لەوەشكردووە، “لە‌گە‌ڵ بە‌ڕێوەبە‌رایە‌تییە‌كانی تایبەت بە وە‌بە‌رھێنان لە سلێمانی كۆبوومە‌وە و جەختمکردەوە کە؛ كارئاسانیی تە‌واو بكە‌ن بۆ وە‌بە‌رھێنە‌ران لەپێناو بوژاندنەوەی ژێرخانی ئابوری و خزمەتکردنی زیاتری ھاوڵاتییان”.
هەر لە تویتەكەیدا قوباد تاڵەبانی دەڵێت، “داواملێكردن كارئاسانیی تە‌واو بكە‌ن بۆ گە‌شە‌كردنی كە‌رتە‌كانی كشتوكاڵ و پیشە‌سازی و گە‌شتوگوزار كە ھۆكارێك دەبن بۆ بە‌رە‌وپێشچوونی كە‌رتی تایبەت و ڕە‌خساندنی ھە‌لی كاری زیاتر و ھە‌مە‌جۆركردنی داھاتە داراییە‌كانمان”.
