ئاگر لە باڵەخانەیەکی سەر شەقامی 60 مەتریی هەولێر کەوتەوە و زیانیی ماددی زۆری بەدواوە بووە.
پەیامنێری تۆڕی میدیایی ئێستا گواستییەوە، “ئەمشەو لەدوای کاتژمێر 8:20 بەهۆی تەقینی تانکی گازی ئۆتۆمبێلێک ئاگر لە هۆتێل دیلان لە سەر شەقامی شەست مەتری هەولێر کەوتەوە”.
ئاماژەی بەوەش کرد، ” ئاگرەکە زیانی گیانیی بەدواوە نەبووە بەڵام زیانی ماددی بەر ژمارەیەک ئۆتۆمبێلی نزیک رووداوەکە کەوتووە”.
ئاشکراشیکرد، “لە ئێستادا ئاگرەکە لەلایەن تیمەکانی بەرگری شارستانییەوە کۆنتڕۆڵکراوە”.
