لە چەمچەماڵ تۆمەتبارێك لە كاتی بردنی بۆ دادگا هەوڵی هەڵاتنی دا، بەڵام هەوڵەکەی سەرینەگرت و لەلایەن هێزە ئەمنییەکانەوە دەستگیرکرایەوە.
سەرچاوەیەك لە دادگای چەمچەماڵ بە تۆڕی میدیایی ئێستای ڕاگەیاند، “تاوانبارەکە ناوی (ئ.ح.ف) پێشتر پیشەی پۆلیس بووە، بەتۆمەتی ڕێگری و سەرانەسەندن و دانانی بازگەی نایاسایی لە دەرەوەی سنووری چەمچەماڵ بانگهێشتی دادگا کراوە”.
هاوكات ڕەمک ڕەمەزان، قائیمقامی چەمچەماڵ، بە تۆڕی میدیایی ئێستای ڕاگەیاند، “تۆمەتبارەكە بە پێی ماددەی 441 لە یاسای سزادانی عێراقی هێنرابووە بەردەم دادوەر، ئەویش هەوڵی ڕاکردنی داوە، بەڵام هەوڵەکەی سەری نەگرتووە”.
جەختی لەوەشكردەوە، هێزەکانی ئاسایش و پۆلیس تۆمەتبارەكەیان دەستگیركردووە و لە ئێستادا دەستبەسەرە و لێکۆڵینەوەی لەگەڵ لێدەكرێت.
