خوان لاپۆرتا، سەرۆكی یانەی بەرشلۆنە ئاشكرایكرد، ئیدارەی یانەكە هەوڵ بۆ نوێكردنەوەی بۆندی هەردوو یاریزان عوسمان دێمبیلی و ئانسو فاتی دەدات.
لەكاتی نوێكردنەوەی بۆندی پێدری یاریزانی هێڵی ناوەڕاست تا ساڵی 2026، خوان لاپۆرتای سەرۆكی بەرشلۆنە ئاماژەی بەوەدا، هەنگاوی داهاتوویان نوێكردنەوەی بۆندی دێمبیلی و فاتی-یە.
وتیشی، هەردوو یاریزانەكە دەیانەوێت لە بەرشلۆنە درێژە بە یاریكردن بدەن و گفتوگۆكان لەگەڵ بەڕێوەبەری كارەكانیان بەردەوامە.
هیواشی خواست هەردوو یاریزانەكە بەزووترین كات لە پێكان چاكببنەوە و بگەڕێنەوە بۆ یاریكردن.
