پۆلیسی هەولێر ئەو شۆفێری تاکسییەی دەستگیرکرد کە سەرنشینەكەی کوشتبوو

وتەبێژی پۆلیسی هه‌ولێر ڕایگەیاند، توانیویانە ئەو شۆفێری تاکسییە دەستگیربکەن کە سەرنشینە تەمەن 20 ساڵەكەی ئەمڕۆی کوشت.

هۆگر عەزیز، وتەبێژی به‌ڕێوه‌به‌رایه‌تیی پۆلیسی پارێزگای هه‌ولێر لە كۆنگرەیەكی ڕۆژنامەوانیدا ئاشكرایكرد، هێزەکانیان ئەو شۆفێری تاکسییەیان دەستگیرکرد کە ئەمڕۆ لە گەڕەکی بنەسڵاوە بەهۆی دەمەقاڵێوە، سەرنشینەکەی بە گوللـەیەك کوشتبوو.

ئاماژەی بەوەشكرد، “ڕووداوەكە لەسەر کرێی تاکسی لەنێوان شۆفێری تەكسییەكە و سەرنشینكە دروستبووە و بە گولـلە كوشتوویەتی دوای ئەنجامدانی تاوانەکەش بکوژەکە هەڵاتبوو”.

وتەبێژی پۆلیسی هەولێر باسی لەوەشكرد، “لە ڕێگەی کامێرای چاودێرییەوە توانیویانە ماڵی تۆمەتبار بدۆزنەوە و دەستگیریبكەن، كە ناوی “س. ص. ع”ە و پێشمەرگە بووە و کاری تەکسیی کردووە، ئەو چەکەشی کە تاوانەکەی پێئەنجامداوە دەستیبەسەردا گیراوە.”

بابەتی پێشتر

کۆمسیۆن هۆکاری سڕینەوەی ئەنجامە بەراییەكانی هەڵبژاردن ئاشکرادەکات

بابەتی دواتر

هاوپەیمانی كوردستان لە هەولێر و نەینەوا كورسییەكانی زیادیكرد

بابەتی پەیوەندیدار
زیاتر ببینە

خشتەی مووچە رادەگەیەنرێت

بەپێی ئەو زانیارییانەی لە وەزارەتی داراییەوە بە تۆڕی میدیایی ئێستا دراون، هەوڵدەدرێت تا پێش جەژن مووچەی سەرجەم وەزارەت…
Total
0
Share