كۆمەڵی دادگەری: لە هەولێر بەبەرنامە ساختەكاریی لە هەڵبژاردندا كراوە

كاندیدێكی كۆمەڵی دادگەریی بۆ ئەنجومەنی نوێنەرانی عێراق ڕایدەگەیەنێت، لە بازنەكانی 3 و 4 ی هەولێر بەبەرنامە ساختەكاریكراوە و كۆمسیۆنیشان لێئاگاداركردووەتەوە.

لە كۆنگرەیەكی ڕۆژنامەوانیدا ئەمشەو عەبدولستار مەجید، كاندیدی كۆمەڵی دادگەری لە هەولێر ئاماژەی بەوەكرد، “كۆمسیۆنمان ئاگاداركردووەتەوە كە لە بازنەی 3 و 4 ساختەكاریی كراوە و سبەی بەڵگەكانیان ڕادەستدەكەین”.

وتیشی، هەندێك لە ساختەكارییەكان بە بەرنامە كراوە لە ڕێگەی سندوقەكان، بەشێكی دیكەشیان خروقاتبووە.

كاندیدەكەی كۆمەڵ جەختی لەوەشكردەوە، “ئێمه‌ له‌سه‌ر ئه‌مه‌ بێده‌نگ نابین و قبوڵی ناكه‌ین گه‌ر سه‌ری خۆشمان له‌سه‌ری دانابێت”.

ڕوونیشیكردەوە، “لە بنكەیەكی دەنگدان بەراوردكاریی لەنێوان دەنگی ئەلیكترۆنی و دەستی كراوە و جیاوازی زۆرهەبووە”.

ده‌شڵێت، “ناچار ببین خه‌ڵكمان دێنینه‌ سه‌ر شه‌قام و هه‌موو ڕێكارێك ده‌گرینه‌ به‌ر و هه‌رگیز ئه‌و ئه‌نجامه‌ قبوڵ ناكه‌ین بۆ ئه‌وه‌ی مافی هیچ ده‌نگده‌رێك بەفیڕۆنەچێت”.

عەبدولستار مەجید پێشیوایە، “ده‌سه‌ڵات ناتوانێت هیچ هه‌ڵبژاردنێك به‌بێ ساخته‌كاری به‌ڕێوه‌ببات”.

بابەتی پێشتر

ڕۆژێكی هەفتەی داهاتوو دەكرێتە پشوو

بابەتی دواتر

جیمس بۆندی نوێ لە هەفتەی یەكەمیدا 55.3 ملیۆن دۆلار دەچنێتەوە

بابەتی پەیوەندیدار
Total
0
Share