جێگری سەرۆكی هەرێمی كوردستان لەسەر پشكی گۆڕان ڕایدەگەیەنێت، هەر کاتێک بزوتنەوەكەی بڕیاریدا لە حکومەت بکشێتەوە، ئامادەیە لە پۆستەكەی بکشێتەوە.
مستەفا سەید قادر، جێگری سەرۆکی هەرێمی کوردستان كە لەسەر پشكی گۆڕان ئەو پۆستەی وەرگرتووە لە ڕاگەیاندراوێكدا دەڵێت، “هەرکاتێک بزوتنەوەی گۆڕان بڕیاریدا، ئێمە ئامادەین لە حکومەت بکشێینەوە”.
ئاماژەی بەوەشكردووە، “هەموو ئەو دەنگۆیانە ڕەتدەکەینەوە کە ئێمە ڕێگربین لە بەردەم کشانەوەی بزوتنەوەی گۆڕان لە حکومەت، دڵنیاین خەڵک بڕوا بەم جۆرە هەواڵە چەواشەکارییانە ناکات و هەرکاتێک بزوتنەوەکەمان بڕیاریدا لە حکومەت بکشێتەوە، ئێمە یەکەم کەس دەبین”.
