سەرۆکی هەرێمی کوردستان ڕایگەیاند، ڕێژەی دەنگدان پەیامی ڕوونی هاوڵاتییانە کە چاویان لە ژیان و گوزەرانی باشترە.
نێچیرڤان بارزانی، سەرۆکی هەرێمی کوردستان لە دوای ڕاگەیاندنی ئەنجامی بەرایی هەڵبژاردن ڕایگەیاند، “ڕێژهى بهشدارى له دهنگداندا پهيامێكى ڕوونى هاوڵاتييانه كه چاويان له ژيان و گوزهران و خزمهتگوزاريى زياتره و مافى خۆيانه، ئهمه بۆ ههموومان له حكوومهت و هێز و لايهنه سياسييهكانى عيراق و ههرێمى كوردستان، دهبێ پهند و وانهيهك بێت بۆ پێداچوونهوهى جددى و بنياتنانهوهى متمانه، ههروهها ببێته هاندهرى كار و خزمهتى زياتر”.
نێچیرڤان بارزانی دەڵێت، “پيرۆزبايى سهركهوتنى ههڵبژاردنى گشتيى ئهنجومهنى نوێنهران له ههموو لايهك دهكهم، ئيتر عيراق و ههرێمى كوردستان له قۆناغێكى تازهدان و ئهنجامهكانى كۆتايى ههرچۆن يهكلايى ببنهوه، ههمووان براوهن”.
سەرۆکی هەرێمی کوردستان ئاماژە بەوەدەکات، “كاتى ئهوهيه پێكهوه كار بكهين بۆ دامهزراندنی حکومهتێکی نیشتمانيی فيدراڵى که ڕهنگدانهوهی خواست و چاوهڕوانییهکانی هاوڵاتی بێت، دهستوور جێبهجێ بكات، دامهزراوهكانى دهوڵهت بههێز بكات، گرووپ و هێزه چهكدارهكانى دهرهوهى ياسا كۆنترۆڵ بكات”.
هەر لەسەر پرۆسەی هەڵبژاردن، نێچیرڤان بارزانی دەڵێت، “سوپاسى هاووڵاتييان، ههموو هێز و لايهنه سياسييهكان، دامودهزگا ئیداری و ئهمنیيهكان، ميديا و كۆمهڵگهی مهدهنی دهكهم كه له سهرخستنى ههڵبژاردندا هاوكار بوون”.
